Rosto

Perberesit:


1 e ½ kg mish derri për rosto,
2 lugë mustardë,
galetë,
kripë e piper,
1 gotë verë e kuqe, 
1 qepë,
1 karotë,
1 degë selino, 
2 gjethe dafine,
60ml vaj ulliri



Per mbushjen:
150g mish të grirë viçi,
1 karotë të ndarë në 4 pjesë për së gjati,
1 presh i plotë,
1/2 kokërr qepë, piper i zi,
1 e verdhë veze,
piper i kuq kokërr,
200g djathë kaçkavall,
arrë moskat, kripë sipas dëshirës.

Pergatitja:
Marrim mishin ,e pastrojmë dhe e thajmë me letër kuzhine. Vendoset në tavolinë dhe spërkatet brenda me kripë, piper të zi dhe një gjethe dafinë të copëtuar imët. E mbulojmë me një pecetë të pastër dhe e lëmë mënjanë për 10–15 minuta. Hedhim në një enë mishin e grirë me pak kripë e piper, shtojmë ½ e qepës të grirë në rende, vezën dhe galetën. Në mishin e rostos bëjmë një xhep me ndihmën e një thike të mprehtë. Marrim një lugë dhe mbushim xhepin me mbushjen e mishit,duke e ngjeshur pak. Pastaj hedhim copat e preshit dhe karotën e djathin. E mbështjellim mishin dhe kapim me kruajtëse dhëmbësh. E lyejmë me mustardë e galetë dhe e vendosim në tepsi të thellë. Hedhim vajin e ullirit dhe e vëmë të piqet për një orë me 180 gradë. Në ½ e pjekjes hedhim verën. Pas kësaj ,e spërkasim dhe e kthejmë vazhdimisht që të marrë ngjyrë të njëtrajtshme.

ose

Rosto e stufuar në tenxhere

Rostoja përgatitet në tenxhere, kur mishi është shumë i madh dhe nuk piqet kollaj. Në këtë rast rostoja quhet brezë. Kjo gjellë mund të gatuhet në tenxhere të zakonshme, si dhe në tenxhere me presion. Në tenxhere me presion duhet të kihet parasysh që koha e zierjes shkur-tohet pothuajse 3 herë. Mishi, kofshë ose shpatull lope, kau ose dashi, pastrohet nga cipa e sipërme dhe shpohet në disa vende ku i futet kripë, piper, thelpinj hudhre dhe skuqet nga të gjitha anët; pastaj shtohet piperi, karotat dhe rrënjë selinoje. Kur të jetë skuqur, shuhen me verë, pastaj i hidhet piper kokërr, dafinë, ujë sa të mbulohet deri në gjysmë dhe pasi i vihet kapaku lihen në zjarr të ngadalshëm. Gjatë zierjes, herë pas here, mishi kthehet nga njëra anë në tjetrën dhe, sipas nevojës, i shtohet nga pak ujë, duke pasur parasysh që nën yndyrë të ketë 1-2 cm shtresë uji. Kur mishi bëhet gati, hiqet nga lëngu, pritet në feta në drejtim të kundërt të fijeve, ndërsa lëngu kullohet duke shtypur me lugë druri zarzavatet. Rostoja e prerë në feta vendoset në mesin e pjatës; nga të dyja anët vihet garniturë, p.sh. pure patatesh, patate të fërguara ose garniturë tjetër perimesh të tjera në kombinuara me bizele, karota, patate, etj., të ziera e të kaluara në tigan me gjalpë. Rostoja si dhe garnitura spërkaten në fund me lëngun e vet. Për 1 kg mish tul duhen: qepë 2 kokrra, karota 2 copë, yndyrë 4-5 lugë gjelle, hudhra 1 kokërr mesatare, kripë, piper, 2 fletë dafine, verë gjysmë gote uji